Bing-ը կդառնա Firefox 4-ի որոնման համակարգերից մեկը

Mozilla ընկերությունը հայտարարել է այն մասին, որ  Firefox բրաուզերի որոնման համակարգերի ցանկին կավելանա նաև Microsoft ընկերության Bing  որոնման համակարգը:  Firefox 4-ը իր օգտագործողներին կներկայանա ծառայությունների և որոնման համակարգերի նոր, փոփոխված կազմով: Այդ թվում կլինեն Google-ը, Yahoo-ն, Bing-ը, Amazon-ը, eBay-ը  և Wikipedia-ն:

Նախկին ցուցակից հեռացվել են Answers.com-ը և Creative Commons որոնման համակարգը: Bing-ը կընդգրկվի Firefox-ի գործիքների վահանակում (toolbar)` որպես առանձին գործիք, մինչդեռ նախկինում Bing-ի միջոցով որոնում կատարելու համար անհրաժեշտ էր տեղադրել համապատասխան plugin: Այժմ դա հնարավոր կլինի անել ուղղակի ընտրելով որոնման համակարգերի բացվող ցուցակից:

Google որոնման համակարգը, ինչպես և նախկինում, կշարունակի մնալ լռությամբ ընտրված (default) տարբերակ`դրանով իսկ մնալով  Mozilla ընկերության շահույթի հիմնական աղբյուրը:
Հետ