Twitter Web Analytics

Twitter Web Analytics նոր վեբ-մարքեթինգային գործիք է, որը թողարկել է Twitter  ընկերությունը այս շաբաթ: Այս նոր ծառայությունը կհանդիսանա օգտակար գործիք կայքի պատասխանատուների համար, ովքեր Twitter-ն օգտագործում են հիմնական միջոց ինֆորմացիայի տարածման համար: Օնլայն մարքեթոլոգները հնարավորություն կունենան հավաքագրել ավելի շատ տվյալներ կայքի տրաֆիկի/այցելությունների վերաբերյալ, որոնք հիմնականում ստացվում են Twitter-ի միջոցով:

Twitter Web Analytics առաջ է բերում նոր լուծումներ կայքի պատասխանատուների համար, և նրա կողմից առաջարկվող նոր ծառայության միջոցով հնարավոր է դառնում պարզել.

• իրենց կողմից տեղադրված գրառումը քանի անգամ է տարածվել Twitter միկրոբլոգային համակարգում
• հստակ տեղեկատվություն այցելությունների վերաբերյալ ստացված Twitter-ից
• գնահատել Tweet կոճակի էֆեկտիվությունը

Twitter ընկերությունը իր հայտարարությունում նշել է այն մասին, որ իրենց հիմնական տեսլականը հանդիսանում է օգնել հաճախորդներին հասկանալ և կարևորել Twitter-ը, ինչպես նաև այլ սոցիալական պլատֆորմեր: Ներկայումս Web Analytics գործիքը գտնվում է Բետա ռեժիմում, սակայն այն անվճար է և շատ շուտով կլինի հասանելի բոլոր կայքատերերին: Գործիքի ծրագրային ապահովումն իրականացվել է BackType ընկերության կողմից, որը մասնագիտացված է սոցիալական վերլուծությունների ոլորտում:

Ներկայումս BackType-ը հանդիսանում է  Twitter ընկերության մի մասնիկ, գործարք տեղի է ունեցել այս տարվա հուլիսին:
Հետ